كوكتيل نكت جامد جدآآآآآآآآآآ

Admin عدد الرسائل : 911 تاريخ التسجيل : 09/09/2008

واحد غبي ركب العربية بالليل و لقى الدركسيون و الفرامل مسروقين ... فراح القسم وعمل محضر سرقة ... تانى يوم الصبح راح لاغى المحضر ليه؟؟؟؟؟؟؟؟ إكتشف انه كان راكب ورا.

واحد حب يوقف اتوبيس لكنه ماوقفش ... فجرى وراه لحد ما وصل البيت فقال لمراته افرحى النهارده انا وفرت 10قروش .... فقالت له يا خيبتك مش كنت تجرى ورا تاكسى كنت وفرت تلاته جنيه.

مرة ولد شاف قطة فى الشارع قال لأخوه انا هاخد القطة دى اغسلها و اربيها.اخوه قاله لو غسلتها هتموت و سابه و مشى..... رجع بعد ساعتين لقى اخوه بيعيط وبيقوله القطه ماتت.... قاله مش قولتلك لو غسلتها هاتموت ، قاله ماماتتش و انا بغسلها ماتت و انا بعصرها.

مره واحد عدى على واحد صاحبه بخيل اوى...... لقاه حاطط ايده على عين الشمال وبيبص بالتانيه... بيقوله مال عينك ؟ قالوا م انا شايفك بواحده . اشغل التانيه ليه!

واحد راح للدكتور قالوه انا عندي صداع قالوا الدكتور انتا بتنام والشبك مقفول ولا مفتوح قالو مقفول ، قالو الدكتور افتحوا ....تاني يوم جالو الراجل .. فقالو الدكتور ها راح الصداع ؟ قالوا : الصداع راح.....والبوتجاز راح......والتلفزيوون راح.... و....و.

سواق قتل 60 واحد في حادثة.... لما سأله الظابط ليه قتلتهم؟ قال له كنت ماشي وبعدين فجاة العجلة ضربة ..ولقيت على يميني فرح وعلى شمالي راجلين ... ادخل في مين ؟ قاله الظابط ادخل في الراجلين.. قاله م انا دخلت في واحد والتاني دخل الفرح.

واحدغبي راكب مع ابوه العربيه ابوه قاله اقفل الشباك ياولد الجو برد ... الولد قاله ياسلام عليك اما انت عليك تقاليع هوا يعني لما اقفل الشباك الدنيا بره هتحرر؟

فيل ونمله ماشين على البحر... فجأه الفيل رمى نفسه فى البحر ليه ؟؟؟؟؟؟؟....... أخو النمله جاى وراهم.

واحد اخنف واقع فى بئر مايه ...فمر علية واحد وكان اخنف برضه ، قالة اطنعك ...رد قالة ايوه طنعنى.... قال انت بتتريق علي طيب مش حطنعك.

صعيدى بعت حمامة زاجلة بدون رسالة ليه؟
Missed call بيعمل.

بلد كلها اغبياء جدا عندهم حفره في وسط البلد كل ما حد يعدي يقع فيها
ومبيتعلموش كل ما حد يعدي يقع ،
قالوا نجيب اذكي تلاته في البلد يشوفوا حل للموضوع
الاول قال: نحط عربيه الاسعاف جنب الحفره الي يقع ياخدوه على طول المستشفي
التاني قال: نهد المستشفي البعيدة ونبني مستشفي جنب الحفره ،
التالت قال: وليه التعب ده كله احنا نردم الحفره
ونفحر حفره جنب المستشفي علي طول.

صرصار في العنايه المركزه بيسال صرصار جمبه بيقولو بيرسول ........؟ قالو لا شوذ.

مرة واحد راح يوكل محامى لقاه صايم.

كسلان داخل الاختبار. وقع منه القلم، سلم الورقه.

في واحد راح يغير أنبوبة بوتاجاز قال لامه ادعيلي قالته انشاله تنفتح فى وشك.

مدرس انجليزى بيسأل تلميذ بيقوله لو عايز تقول لواحد تعالى هنا تقوله ايه؟ قاله : اقوله come here قاله : ولو عايز تقوله ارجع هناك تانى ؟ قاله : الف من الناحية التانية واقوله come here.

مرة تلميذ بيسأل الأستاذ بيقول له:هو ممكن يعاقب الإنسان على حاجة معملهاش؟قال له:لا طبعا . ففرح التلميذ اوى و قال له خلاص انا معملتش الواجب.

واحد ومراته متخانقين فبطلوا يكلموا بعض
فكتب ورقة صحيني الساعه 6:30 علشان عندي شغل وحط الورق على السرير ونام
صحي الساعة 10:00 فلقى ورقه مكتوب عليها الساعه 6:30 يلا اصحى ..

ولد مغلّب مدرس الجغرافيا معاه ليه ؟؟؟
عاوز يعرف خط الاستواء ده فودافون ولا موبينيل.....

عدد الرسائل : 2 العمر : 30 تاريخ التسجيل : 24/10/2009

جميلة جدا ربنا يبارككم

ههههههههههههههههههه حلوين وجامدين شكرااااااااااااااااا

هههههههههههههههههه مرسية خالص