بتقابل ناس كتير أنه يكون عنده برنامج عايز يشيله ومش راضي يتشال
يعني برنامج قامم بتنصيبه وبعدين ييجي يحذفه من Add/Remove ما يتحذفش
فأنا إن شاء الله هاشرح إزاي تحذف أي برنامج يدويا بس مش برنمج ال deep freeze الشرح ده لا يصلح معاه
والمثال هيكون النورتون أنتيفايروس .
الشرح بالنسبة للإكس بي .. اللي عنده غيره ياريت يغير ... مش عارف إيه اللي عاجب الناس لسه في ال 98 ..
هتدخل على السيف مود (العادي مش with networking) عن طريق ألضغط على زر F8 أول ما الجهاز يفتح قبل ما الويندوز يحمل لحد ما يظهر قايمة هتختار منها safe mode
أول حاجة لازم تظهر كل الملفات المخفية .. هتدخل Control panel وبعدين folder options وبعدين view و بعدين هتلاقي فيه قايمة هتعلم على show hidden files and folders وتشيل العلامة من على hide protected oprating system files وبعدين OK
وبعدين تدخل درايف C أو حسب الدرايف اللي ويندوز إكس بي متسطب عليه
وبعدين تدخل Program files تحذف كل المجلدات اللي فيها اسم Norton او symantec خالص من على الجهاز ب shift+delete (يعني بندور على اسم البرنامج واسم الشركة لو النيرو مثلا بيكون Ahead و Nero )
وبعدين من Program files هتدخل مجلد اسمه common files برضه هتدخذف كل اللي فيه اسم Norton او symantec
مش شرط أنك تلاقي فيه بس دور لأن مش كل البرامج بتحط فيه ملفات
وبعدين هتخرج من program files وتفتح documents and settings هتلاقي مجلدين واحد اسمه All users والتاني باسمك او الاسم اللي انت حاططه على الجهاز كإسم مستخدم .. المجلدين الاتنين هتلاقي جواهم مجلد اسمه application data تفتح المجلد ده في الاتنين وتحذف كل المجلدات اللي فيها اسم Norton او symantec نهائيا
دي المرحلة الأولى كده خلصت
بعد كده هتفتح قايمة start وبعدين تختار run وبعدين تكتب في النافذة اللي هتفتح regedit وبعدين تضغط مفاتيح Ctrl+F هتفتح نافذة بحث صغيرة هتبحث فيها عن كلمة symantec هتلاقيه ظلل على نتيجة بحث تضغط مفتاح Delete وبعدين تضغط F3 عشان يدور على اللي بعده وهكذا كل ما يلاقي نتيجة بحث تضغط delete وبعدين F3 عشان يدور على اللي بعده لحد ما يقوللك أنه مالقاش أي نتيجة بحث فتضغط له OK
وبعدين في القايمة اللي على الشمال في النافذة بتاعة Regedit تطلع فوووووق خالص وتضغط على My computer ضغطة واحدة
وبعدين Ctrl+F وتبحث عن كلمة Norton antivirus وتعمل زي ما عملنا مع اللي قبلها
باقي آخر مرة ودي صعبة شوية برضه هتطلع فووق خالص وتضغط على my computer وتبحث عن كلمة Norton بس من غير antivirus ... بس فيه مشكلة أن مش كل النتايج اللي هتظهر خاصة بال Norton antivirus فكل نتيجة هتظهر لك تبص فيها لاقييت مثلا كلمة antivirus أو أو كلمة تخلليك تعرف ان هوا ده النورتون أكيد مش حاجة تانية تحذفها (طبعا ده خاص شوية بالنوتون عشان فيه تشافه بينه وبين اسماء حاجة تانية موجودة في الويندوز نفسه ويمكن يكون فيه برامج تانية كده بس مش حاضرة في دماغي أو ما عدتش عليا عشان كده يفضاسم البرنامج بالطريقة اللي ما تتادخلش مع حاجة تانية مثل وعموما البرامج اللي مشن الشكل ده نادرة جدا)
وبكده يبقى إن شاء الله تمام والنورتون اتشال خالص غصب عنه
السؤال عن أي كلمات تبحث إذا أردت حذف برنامج acorbat reader ?????
موضوع: أريد حذف النورتن انتى فايرس و لا اعرف كيف؟ 
الأربعاء مارس 18, 2009 8:47 pm